Niversis, & singulis Impressoribus, Typographis, Bibliopolis, & huiusmodi Negotiatoribus Ditiones Nostras habitantibus, seu frequentantibus, & ipsorum cuilibet mandamus, & prohibemus ne ipsi, vel quilibet ipsorum, Opera, & libros Philippi de Baldinuccis Civis Florentini noviter impressos, seu in posterum imprimendos, pertinentes ad Picturam, Sculpturam, & Architecturam, sine ipsius consensu, & voluntate in omnibus, & quibuscumque Dominiis Nostris, & etiam in Civitate Pistorii, eiusque Comitatu, & Montanea, & in quocunque alio loco Nostræ Iurisdictionis supposito, quamvis magi exempto, licet de eo specifica, & expressa mentio fieri oporteret imprimere, aut imprimi facere, nec alibi impressos venales haber, & tenere audeat per annos viginti enumerandos ab ea die qua imprimantur, & in lucem exhibeantur singula prefata Opera, & libri eiusdem sub pœna scutorum viginti quinque pro quolibet opere, & libro, & ammissionis eorumdem, cuius pœne quarta pars supradicto Philippo de Baldinuccis, altera Fisco Nostro, altera Magistratui, seu Iudici condemnanti, & exigenti, altera vero pars Accusatori, seu Denuntiatori publico, seu secreto applicetur, & acquiratur, contrariis quibuscumque non obstantibus. In quorum fidem presens Diploma per infrascriptum Offici Nostri Reformationum Auditorem expediri, & plumbei Sigilli appensione muniri iussimus, & Nostra etiam manu firmavimus. Datum Florentiæ in Nostro maiori Palatio Anno Incarnationis Dominicæ Millesimo sexcentesimo octuagesimo primo, die xiii. Mensis Aprilis magni vero nostri Ducatus Anno XI.