Parietes museiario seu musivo opere illustres fuisse reliquiæ probant, licet à vetustate sordidæ. Atque instar omnium queat esse una integra periclitantium Discipulorum, Petrique super undas ad Christi conspectum procumbentis, imago in primæ porticus interiori muro, ab illo, cuius in Florentiæ descriptione, IOCTHO depicta, illa argumento sit quam fulgidum Templum fuerit. Illam pij, antequam prœgrediantur, flexis genibus precantes venerantur.